Шрифт өлчүсү:
А+
А
А-
06 Мај 2015

Гәм-гүссә хәстәлик јарадар...

Сүбһү сәдәгә илә башлајын. Чүнки бәлалар сәдәгә сипәрини аша билмир
Тиббур-Рәсул (Пејғәмбәр тәбабәти)

Бир ҝеҹә гыздырма...
Имам Садиг (ә) Имам Багирдән (ә), Имам Багир Имам Сәҹҹаддан (ә), Имам Сәҹҹад Имам Һүсејндән (с), Имам Һүсејн Имам Әлидән (ә), Имам Әли (ә) дә Пејғәмбәрдән (с) нәгл едир: Бир ҝеҹә гыздырмалы олмаг бир ил ҝүнаһын кәффарәсидир.

Сүстлүјүн чарәси...
Һәзрәт Пејғәмбәр (с) бујурур: Һәзрәт Нуһ сүстлүк вә зәифликдән шикајәтләнди. Аллаһ-Таала бујурду: Еј Нуһ әти сүдлә бишир, је. Мән онда ҝүҹ вә бәрәкәт гәрар вермишәм.

Ҝөзүн зәифсә...
Имам Багирин (ә) беле бујурдуғу нгәл едилир: Пејғәмбәрин (с) һәјаты дөврүндә Әһли-бејтдән (ә) кимин ҝөзү зәифләсәјди Пејғәмбәр (с) она белә дуа едәрди: “Пәрвәрдиҝара! Мәни севиндир, ешитмә вә ҝөрмәдән бәһрәләндир, онлары варисләрим үчүн гәрар вер, мәнә зүлм едәнә гаршы јардымчы ол, гәләбәјә чатдыр.”

Ҝөз үчүн дәрман...
Һәзрәт Әлинин (ә) белә бујурдуғу нәгл едилир: Бир ҝүн Салман Фарси вә Әбузәр Ғәффари ҝөз ағрысындан әзијјәт чәкирди. Пејғәмбәр (с) онлары јохламаға ҝетди. Һәзрәт (с) бујурду: Аллаһ сизә шәфа верәнә гәдәр сол тәрәф үстә јатмајын, хурма јемәјин.

Јухуда горхуја гаршы...
Имам Багир (ә) бујрур: Јухуда горхан адам јатаға ҝирәндә Фәләг, Нас сурәләрини, ајәтәл-күрсини охусун... Пејғәмбәр јатмаздан өнҹә ајәтәл-күрси охујарды. Һәзрәт (с) бујурур: Ҹәбраил мәнә дејиб ки, бир дәстә ҹин јатдығын заман сәни инҹитмәк истәјир. Даим ајәтәл-күрси оху. Һәзрәт Әли (ә) бујурур: Бир ҝүн Һәзрәт Пејғәмбәр (ә) мәни чағырыб бујурду: Еј Әли (ә) јатаға ҝирәндә истиғфар ет, мәнә салават ҝөндәр. Белә де: “Сүбһанәллаһи вәлһәмдулиллаһи вә ла илаһә илләллаһу вәллаһу әкбәр, вә ла һәвлә вә ла гүввәтә илла биллаһил-әлијјил-әзим.” “Ихлас” сурәсини чох оху, Ајәтәл-күрсијә әһәмијјәт вер, ону тәрк етмә. Онун һәр сөзүндә 1000 бәрәкәт вә мин рәһмәт вар.

Хәстәлик вә јохсуллуға гаршы...
Исмаил ибн Әбдүл-Халиг дејир: Сәһабәләрдән бири бир мүддәт Пејғәмбәрин (с) ҝөрүшүнә ҝәлмәди. Ҝөрүшә ҝәлдији заман Пејғәмбәр (с) бунун сәбәбини сорушду. Һәмин шәхс јохсуллуг вә хәстәлији сәбәб ҝөстәрди. Һәзрәт (с)нбујурду ки, хәстәлик вә јохсуллуғу сәндән узаглашдыраҹаг бу дуаны оху: “Ла һәвлә вә ла гүввәтә илла биллаһи тәвәккәлту әләл-һәјјилләзи ла јәмут, вәлһәмду лиллаһилләзи ләм јәттәхиз вәлада вә лән јәкулләһу шәрикун фил мулки вә ләм јәкулләһу вәлијун минәззулли вә кәббирһи тәкбира” (Аллаһдан башга тәсирли бир гүввә јохдур, даим сағ олана тәвәссүл едирәм, она өлүмүн јолу јохдур. Ситајиш о Аллаһ үчүндүр ки, өзүнә өвлад гәрар вермәјиб, һөкмүнә шәрик јохдур, она һами олмаз, о чох бөјүкдүр). Чох чәкмәди ки, һәмин сәһабә бу дуаны охујуб јохсуллуг вә хәстәликдән хилас олду.

Бәла вә чәтинлијә гаршы...
Һәзрәт Пејғәмбәр (с) һәзрәт Әлијә (ә) бујурду: Чәтинлијә дүшдүјүн заман бу дуаны оху: “Бисмиллаһир-рәһманир-рәһим, ла һәвлә вә ла гүввәтә илла биллаһил-әлијјил-әзим, Аллаһуммә ијјакә нәбубу вә ијјакә нәстәин” (Бағышлајан вә меһрибан Аллаһын ады илә, варлыг аләминдә Аллаһдан башга тәсирли гүввә јохудр. Пәрвәрдиҝара! Јалныз Сәнә пәрәстиш едирәм, јалныз сәндән көмәк истәјирәм).

Јатмаздан габаг дуа...
Һәзрәт Пејғәмбәр (с) јатмаздан габаг Ајәтәл-күрси охујар сонра белә дуа едәрди: Пәрвәрдиҝара! Сәнин адынла Сәнә иман ҝәтирдим. Тағут вә азғынлардан үз чевирмишәм! Пәрвәрдиғара јухуда вә ојаг икән мәни гору.

Сүфрәнин бәрәкәтли олмасы үчүн...
Һәзрәт Пејғәмбәр (с) сүфрәнин бәрәкәтли олмасы үчүн белә дуа едирди: “Пәрвәрдиҝара! Чөрәјимизә бәрәкәт вер, бизимлә рузи арасында ајрылыг салма”.

Тәдрисдән өнҹә дуа...
Бир мөвзуда дәрсә башламаг истәјән Пејғәмбәрдән (с) нәгл олунмуш бу дуаны охуса фајдаланар: “Пәрвәрдиҝара! Пәрвәрдиҝара азмагдан вә аздырмагдан Сәнә сығынырам, бүдрәмәкдән вә бүдрәтмәкдән зүлм етмәк вә зүлмә дүчар олмагдан, наданлыға дүшмәкдән вә наданлыға чәкмәкдән Сәнә панаһ апарырам. Пәрвәрдиҝара! Ким Сәнин ҹиварына баш әјдисә башы уҹа олду. Адларын мүгәддәсдир. Сәнә ситајиш әзәмәтлидир. Сәндән башгасы ибадәтә лајиг дејил. Бүтүн еһтијаҹларымы өдәјән Аллаһ мәнә бәс едәр. Өзүмү Она тапшырырам, бүтүн еһтијаҹ вә һәрәкәтләр онун гүдрәт әли алтындадыр. О уҹа вә бөјүкдүр. Пәрвәрдиҝара! Гәлбими мөһкәм вә сабит гәрар вер. Дилимдән һәгигәти ҹари ет”.

Сәфәрдә горунмаг үчүн...
Һәзрәт Пејғәмбәр (с) бујурур: Мүсафир вә аиләси үчүн сәфәрдә ән үстүн мүһафиз будур ки, ики рәкәт намаз гылыб бу дуаны охусун: Пәрвәрдиҝара! Өзүмү, аиләми, малымы, өвладларымы, дүнја вә ахирәтими, әманәтләрими, агибәтими сәнә тапшырырам, Сәнә әманәт верирәм”. Һәзрәт Пејғәмбәр (с) бујурур: Ким бу иши ҝөрсә Аллаһ она истәдијини верәр, өзүнү, аиләсини вә һәјат сәрмајәләрини горујар.

Вәһши һејван тәһлүкәси...
Һәзрәт Пејғәмбәр (с) бујурур: Ким вәһши һејванын һүҹумундан горхса бу ајәни охусун: Ләгәд ҹаәкум рәсулун мин әнфусикум әзизун әләјһи ма әниттум һәрисун әләјкум бил-мумининә рәуфун рәһим. (Сизә өзүнүздән бир пејғәмбәр ҝәлди ки, сизин әзијјәтә (мәшәггәтә) дүшмәјиниз она ағыр ҝәлир, о сиздән (сизин иман ҝәтирмәјиниздән) өтрү тәшнәдир, мөминләрлә шәфгәтли, мәрһәмәтлидир!/“Төвбә”, 128)

Миникдә горунмаг үчүн...
Минијә сүвар олан шәхс ҹаныны вә минијини горумаг үчүн бу дуаны охусун: “Бисмиллаһи вә ла һәвлә вә ла гүввәтә илла биллаһ әлһәмдулиллаһилләзи һәдана лиһазә вә сүбһанәлләзи сәххәрә ләна һаза вә ма кунна ләһу мугринин” (Аллаһын ады илә, Аллаһдан башга ҝүҹ јохдур. Һәмд Аллаһа мәхсусдур, мәни бу васитә илә һидајәт етди. Бу минији мәнә рам едән кәс пак-пакизәдир. Јохса мәним ону рам етмәк ҝүҹүм јох иди.)

Ҝөздәјмәјә гаршы...
Имам Садиг (ә) Һәзрәт Әлинин (ә) белә бујурдуғуну нәгл едир: Һәзрәт Пејғәмбәр (с) Һәсән (ә) вә Һүсејни (ә) шәрдән вә бәладан гуртармаг үчүн бу дуаны охујарды: “Сизи сығындырырам Аллаһын кәлмәләри вә ҝөзәл адларына... Һәр зәһәрли һејван вә һәшәратлардан, бәд нәзәрдән һәсәдин шәриндән! Һәзрәт (с) бујурур: Һәзрәт Ибраһим (с) Исмаил (с) вә Исһагы (с) бу дуа илә Аллаһа сығындырарды.

Сеһр вә шејтана гаршы...
Һәзрәт Пејғәмбәр (с) бујурур: Сеһр вә шејтандан горхан шәхс бу ајәни охусун: “Иннә рәббәкумуллаһулләзи хәләгәссәмавати вәл әрзә фи ситтәти әјјамин суммәстәва әләләрши јудәббируләмрә ма мин шәфиин илла мин бәди изниһи заликумуллаһу рәббукум фәбудуһу әфәла тәзәккәрун.” (Рәббиниз ҝөјләри вә јери алты ҝүндә хәлг едән, сонра әрши јарадыб һөкмү алтына алан (әршә үз тутан), һәр иши јеринә гојан (сәһмана салан) Аллаһдыр. Онун изни олмадан һеч бир шәфаәт едән ола билмәз. Бу, Рәббиниз олан Аллаһдыр. Она ибадәт един. Мәҝәр өјүд-нәсиһәт гәбул етмәјәҹәксиниз?/ Јунис, 3)

Јенә ҝөздәјмәјә һаггында...
Пејғәмбәрдән (с) рәвајәт олунур ки, бир шеји ҝөрәндә һејрәтләнән вә нараһат олан инсан зәрәри узаглашдырмаг үчүн бу дуаны охусун: “Әллаһуссәмәд, машаәллаһ, Ла гүввәтә илла биллаһ.”

Горху вә һәјәҹана гаршы...
Бир шәхс Пејғәмбәрә (с) горху вә ниҝаранчылыгдан шикајәтләнди. Һәзрәт бујурду ки, ким бу дуаны давамлы шәкилдә охуса горху вә ниҝаранчылыг ондан узаг олар: “Сүбһанәллаһил-мәликил-гудус, Рәббил мәлаикәти вәрруһи халигиссәмавати вәләрз, зил-иззәти вәлҹәбәрут” (Малик вә мүгәддәс Аллаһ пакдыр, мәләкләр вә руһун рәббидир, ҝөјләр вә јерин халигидир, иззәт вә һөкм саһибидир).

Бир даһа мисвак һаггында...
Һәзрәт Пејғәмбәр (с) бујурур: Ким ҝүндә бир дәфә мисвак чәксә, Аллаһ ондан разы галар. Ким ҝүндә ики дәфә мисвак чәксә, пејғәмбәрләрин сүннәсини јеринә јетирирб, Аллаһ онун һәр рәкәт намазына јүз рәкәтин савабыны јазар, јохсуллугдан узаг олар.”

Чәтинлијә гаршы истиғфар намазы...
Һәзрәт Пејғәмбәр (с) бујурур: Әҝәр доланышыгда чәтинлик, ишдә манеә јаранса Аллаһа дуа ет, истиғфар намазы гыл. Бу намаз ики рәкәтдир. Биринҹи рәкәтдә Һәмд, Гәдр, сурәләри охунур, сонра 15 дәфә истиғфар едилир. Рүкуда 10 истиғфар дејилир. Рүкудан сонра, сәҹдәдә, сәҹдәдән сонра, икинҹи сәҹдәдә, икинҹи сәҹдәдән сонра 10 дәфә истиғфар едилир. Икинҹи рәкәт дә биринҹи рәкәт кимидир. Бүтүн намазда 150 истиғфар вар.

Тәмизлик...
Һәзрәт Пејғәмбәр (с) бујурур: Либасларынызы јујун, сачларынызы гысалдын, мисвак чәкин, зинәтләнин, тәмиз олун. Бәни-Исраил бу ишләри ҝөрмәдијиндән гадынлары зина етди.”

Гәм-гүссә хәстәлик јарадар...
Һәзрәт Пејғәмбәр (с) бујурур: Әхлагы пис олан өзүнә әзәб верир. Пәришанлығы чох оланын бәдәни хәстәләнир. Халгла сәрт даврананын шәрафәти әлдән чыхыр. Беләсинин алиҹәнаблығы арадан галхыр... Һәзрәт (с) бујурур: Гәм-гүссә гоҹалығын јарысыдыр. Инсан тез гоҹалыр, сүстләшир, бели әјилир, сачлары ағарыр.

Јенә сәдәгә...
Һәзрәт Пејғәмбәр (с) бујурур: Сүбһү сәдәгә илә башлајын. Чүнки бәлалар сәдәгә сипәрини аша билмир.


5081 بازدید
در حال ارسال اطلاعات...