Шрифт өлчүсү:
А+
А
А-
13 Мај 2019

АБШ мәҝәр биринҹи дәфәдир Иранла "мүһарибә едир?"

Јенә АБШ-ын Ирана һүҹум планы ҝүндәмә ҝәлиб. Бу дәфә дејирләр ки, АБШ Иран јахынлығына, Фарс көрфәзинә тәјјарә дашыјан ҝәми зад ҝәтириб. Әлбәттә бүтүн бунлар башдан хараб Трапым дүнја ҝүндәмини дәјишмәк ҹәһдләриндән башга бир шеј дејил. Бу ҝүнләрдә Трапм һагда һәтта өз әтрафы јахшы сөзләр демир, АБШ-ы мәһвә апардығыны гејд едир вә импичмент едилмәси һагда сөзләр долашыр. Бу башдан хараб адам да ҝүндәми дәјишмәк истәјир. Ҝөзәл билир ки, јарандығы ҝүндән бу ҝүнә гәдәр башга өлкәләрин әразисинә сохулан, сојуг мүһарибә апаран, савашанлара силаһ сатыб араны гызышдыран, ҝүҹү зәифләрә чатан АБШ-ы мүһарибәјә ҹаласа "блаты" галха биләр. Она ҝөрә белә бир гәрар вермәјә ҹәһд едир ки, бунунла да дәли, башдан грижа олдуғуну бир даһа сүбут едир.

Амма Ирана ҝәлдикдә исә Али Мәгамлы Дини Лидер Ајәтуллаһ Хаменеи (Аллаһ горусун) дәфәләрлә бујуруб ки, Иран индиләрдә кечмишә баханда даһа чох гүввәтли, гүдрәтли дөвләтдир. Доғрудур. Бу ҝүн Иран силаһ, ракет саһәсиндә чох ирәли ҝедиб. Шәһадәт мәктәби Иран мөминләри арасында һәлә дә тәравәтлидир. Үстә ҝәл, Суријада, Ирагда бу халг мәрдликләр нүмајиш етдирир. Һәтта АБШ-ын белә баҹармадығы ИШИД террорчуларыны иранлы гәһрәман, мөмин, һүсејнчи ҝенерал Гасим Сүлејмани вә онун ордусу Аллаһын көмәји илә јерлә јексан еләди.

АБШ һаггында исә мәшһур олан сөзләрдән, експертләр рәјләриндән бири будур ки, АБШ индијәдәк Сурија, Ираг кими өлкәләрдә мәғлубијјәтә уғрајыб. Үстә ҝәл Иран нә Ирагдыр, нә Әфганыстандыр. АБШ Ираг вә Әфганистан кими зәиф олан дөвләтәрә ҝүҹ ҝөстәрә биләр, амма Иранла мүһарибә етмәздән әввәл јүз өлчүб бир бичмәси лабүддүр.

Бу мәгамда үнванламаг истәдијимиз суал будур: мәҝәр АБШ биринҹи дәфәдир ки, Иранла мүһарибәјә һазырлашыр? Мүасир тарихдән ҝөзәл билирик ки, АБШ Иран Ислам Республикасы јениҹә гуруланда Ираг лидери Сәддам васитәсилә Ираны чөкдүрмәк истәди. Амма алынмады. Илаһи лүтф вә гүввәт сајәсиндә АБШ Иранда Ислам Республикасыны чөкдүрә билмәди. Һәлә ондан әввәл АБШ һимајә етдији Иранын фасид шаһыны да һимајәт етдији һалда Иранда сахлаја билмәди. Шаһ нәһајәт мәҹбур олуб ҝери чәкилди, Сәддам өз гүввәләрини Иран сәрәдләриндән чәкди. Һәр ики һадисәдә Иран демәк олар ки, АБШ-ла мүһарибә апарырды. Чүнки Иранын мөмин, шәһадәтсевәр халгы шаһы говмушду. Шаһ бу халгын издиһамы, тәлатүмү гаршысында ҝүҹсүз гарышга олдуғуну һисс едиб арадан чыхмышды. Сәддам да Иранын мөмин халгы гаршысында аҹизлијини анламышды.

Бундан әлавә о заманлар јениҹә гурулмуш Иран Ислам Республикасынын сијаси тәҹрүбәси, досту дүшмәни дә бәлли дејилди. Һал-һазырда сијаси мүттәфиги олан Русијанын рәһбәрликдәки сәләфләри – советләр бирлији дә Иранда Ислам Республикасынын мәһв олмасына чалышыр вә Сәддама дәстәк верирдиләр. Индиләрдә исә һәмин советләр бирлијинин вариси олан мүасир Русија Иранла мүттәфигдир. Әлбәттә, елә дүшүнүлмәсин ки, Иран Русија сијасәтинә архаланыр. Иран рәһбәрлији ҝөзәл билир ки, мөмин бир халг, Ислам Республикасынын рәһбәрләри анҹаг Аллаһа тәвәккүл едирләр. Чүнки бу халг һәлә о заманлар Аллаһа олан тәвәккүл вә етимад сајәсиндә дүшмәнин шәррини дәф едә билмишдиләр. О илләрдән исә чох кечиб, Иран һәм техникада, һәм сијасәтдә, һәм елм вә ибадәтдә, Аллаһа тәвәккүлдә даһа чох ҝүҹләниб. Бу Республиканы һәмин инсан гуруб ки, АБШ-ын тәјјарәләрини сәһрада јерә салыб мәһв едән тоз дәнәҹикләрини Аллаһын әсҝәрләри һесаб едиб. Аллаһын ҝөрүнмәз ордусу бир даһа Иран Ислам Республикасыны һимајә едәҹәк.


929 بازدید
در حال ارسال اطلاعات...